• Yagona - Shalolasan Vatan

    Yagona

    Shalolasan Vatan

    Bag`rim bersam yerlarga,
    Qizg`aldoqlar kuch olar.
    Dardim aytsam yellarga,
    Dardi yo`qdan o`ch olar.

    Non oqizoq o`ynagan
    Ariqlarning bo`yida,
    Yurtim seni kuyladim
    Yalpizlarning tilida.

    Karkas ro`mol o`ragan
    Momolarim sevgan yurt,
    Yetti iqlim so`ragan
    Bobolarim kezgan yurt.

    Dushman kelsa, palahmon
    Toshi otgan polvonim,
    Baland tog`lar boshida
    Na’ra tortgan tarlonim.

    Qo`lingni och duoga,
    Shukrona ayt to`y uchun.
    Tiniq osmon, tinch elga
    Bayram uchun, kuy uchun.

    Yurtboshim tog`day tayanch
    Har xonadon, uy uchun.
    Baxtdan rang olgan shu’ur,
    Nurtolasan Vatan.
    Jaloliddin kezgan qir,
    Shalolasan Vatan.

    To`marisning qalbidan
    Chiqqan cho`g`san, olovsan.
    Kubrolarning qo`lida
    Qolgan tig`san, yalovsan.

    Barchinoylar ko`ksida
    Qolgan zebigardonim.
    Olmosdan tarozi oz
    Senga O`zbekistonim.

    Xalqim desa, tanlari
    Titrab turgan bu jonim.
    Yurtim uchun jon bergan
    Misli Shiroq cho`ponim.

    Chingizlarning qo`lida
    Uzilgan dur, marjonim.
    Baxtdan rang olgan shu’ur,
    Nurtolasan Vatan.

    Bobolarim kezgan qir,
    Shalolasan Vatan.
    Baxtdan rang olgan shu’ur,
    Nurtolasan Vatan.

    Qo`lingni och duoga,
    Shukrona ayt to`y uchun.
    Tiniq osmon, tinch elga
    Bayram uchun, kuy uchun.

    Yurtboshim tog`day tayanch
    Har xonadon, uy uchun.
    Baxtdan rang olgan shu’ur,
    Nurtolasan Vatan.
    Jaloliddin kezgan qir,
    Shalolasan Vatan.

    Baxtdan rang olgan shu’ur,
    Nurtolasan Vatan.
    Bobolarim kezgan qir,
    Shalolasan Vatan.

    O'xshash qo'shiqlar matnlari