• [Farrux Zokirov]
    Chaqnar charos-charos ko`zlaringda cho`g`,
    Qushdan hurkak, kiyikdan, kiyikdan sho`x.
    Qizlarga gap otishing ajab, yo ajab,
    Mo`ylovi ham hali-yo chiqqani yo`q.

    Ay, ay, ay Abdulla, voy Abdulla,
    Ay, ay, ay Abdulla, voy Abdulla. (x2)

    [Abdulla Qurbonov]
    Bilmam baxtmi, bilmayman sinovmi sevgi,
    Surishtirmas mo`ylovni, mo`ylovni sevgi.
    Mo`ylovsiz ham uylansa, uylansa bo`lar,
    Dang`illatib to`y qilgim, to`y qilgim kelar.

    [Farrux Zokirov]
    Ha, chiqay debdi yodimdan, meni xom kallam,
    Senga o`sha parizod kelindan salom.
    Xandalakni etmaydi, yetmaydi bo`ying,
    Hali to`yga yo`l bo`lsin, yo`l bo`lsin, bola! {x2}

    Ay, ay, ay Abdulla, voy Abdulla,
    Ay, ay, ay Abdulla, voy Abdulla. (x2)

    [Abdulla Qurbonov]
    Kuyov bo`lsam arziydi, qarang ko`rkamman,
    Yosh bo`lsam ham, og`ajon, ko`pni ko`rganman!
    Og`ajonim, osilmang mening bo`yimga,
    Bo`lmasa hech aytmayman, aytmayman to`yga!

    [Farrux Zokirov]
    Chindan ham gap bo`ydamas, bo`ydamas faqat,
    Abdullaning o`zi-yo, o`zi azamat.
    Xizmatda, biz xizmatda, izzatda sizlar,
    Qani do`stlar, marhamat, to`yga marhamat. {x2}

    Ay, ay, ay Abdulla, voy Abdulla,
    Ay, ay, ay Abdulla, voy Abdulla.
    Kuyovto`ra Abdulla, jon Abdulla,
    To`ylar muborak bo`lsin, jon Abdulla.

    [Yalla ansambli]
    Kuyovto`ra Abdulla, jon Abdulla,
    [Abdulla Qurbonov]
    Ay, ay, ay Abdulla, man Abdulla!