• Yulduz Usmonova - Gar o'lsam

    Yulduz Usmonova

    Gar o’lsam

    Samodagi yulduzlarga ko`chsam hamki,
    Zulmatlarda shamdek yonib, o`chsam hamki,
    Olislarda sendan ayro tushsam hamki,
    Daryo bo`lib, toshar ko`nglim, toshar ko`nglim,
    Yurak sendek urib turar, ona yurtim.

    Sen bo`lmasang, bo`larmidim Yulduz bu kun,
    Ishqingda qalb yonar kecha-kunduz bu kun,
    Chuqur botdi qalbimga bir ildiz bu kun,
    Ildizidan uzilsa kim, shaksiz so`lar,
    Ildizidan uzilmagan – chinor bo`lar.

    Gar o`lsam, beshigimning yopinchig`in topinglar,
    Yirtiq-yamoq bo`lsa-da, tobutimga yopinglar.
    Ko`rsinlar yig`laganlar, umrim bari xatodir,
    Bu dunyoda topganim shu bir parcha matodir.
    Shu bir parcha matodir.

    Senga tomon talpinarman, yuragim – sen,
    Har qadamda panoh menga, keragim – sen.
    Qayda bo`lmay, sening bitta bo`lagingman,
    Kecholmasman sendan, asl o`zligimsan,
    Qora qoshli, qora ko`zli o`zbegimsan.

    Men vatanni alishmasman dunyolariga,
    Alishmasman Parij, Rim, Amriqolariga.
    Tuprog`ingni zarrasidek tillolariga-ey,
    Ona yurtim, dildan senga dilbandingman,
    Xizmatingga kamarbasta farzandingman.

    Gar o`lsam, beshigimning yopinchig`in topinglar,
    Juldur-jamoq bo`lsa-da, tobutimga yopinglar.
    Ko`rsinlar yig`ilganlar, umrim bari xatodir,
    Bu dunyoda topganim shu bir parcha matodir.
    Shu bir parcha matodir.

    Chiqmay turib shirin joni badanidan,
    Kechmas Yulduz o`z elidan, Vatanidan.
    Ayro tushmas bulbul ham o`z chamanidan,
    Bulbul bo`lib navo qildim bog`laringda.
    Garchi qancha alam qoldi zog`laringda,
    Alam qoldi zog`laringda.

    Gar o`lsam, beshigimning yopinchig`in topinglar,
    Yirtiq-yamoq bo`lsa-da, tobutimga yopinglar.
    Ko`rsinlar yig`ilganlar, umrim bari xatodir,
    Hayotimda topganim shu bir parcha matodir.
    Shu bir parcha matodir, umrim bari xatodir,
    Shu bir parcha matodir.