Yulduz Usmonova - Mendan meni so'rama

Yulduz Usmonova

Mendan meni so’rama

Men toshlarning tiliman,
Men ko`ngilning guliman,
Bu dunyoning giliman –
Mendan meni so`rama.

Tillosi yo`q toy nadur,
Egilmasa, yoy nadur,
Suv oqmasa, soy nadur –
Mendan meni so`rama.

Kundan tunni so`rama,
Qo`rdan kulni so`rama,
Mendan dunyo so`rayver –
Mendan meni so`rama. (x2)

Sen yetmagan yo`ldaman,
Suv kirmagan cho`ldaman,
Bir maysaman, do`ldaman –
Mendan meni so`rama.

To`kilmasam to`lmayman,
Qor qo`ynida gullayman,
Men shunchaki o`lmayman –
Mendan meni so`rama.

Kundan tunni so`rama,
Qo`rdan kulni so`rama,
Mendan dunyo so`rayver –
Mendan meni so`rama. (x2+x3)

Qo'shiq haqida ma'lumot

Nomi:
Mendan meni so’rama
Xonanda:
Yulduz Usmonova
Muallif:
Mahmud Toir
Bastakor:
Klipmeyker:
Albom:
Yubordi:
Sana:
October 18, 2016