• Yulduz Usmonova - Yolg'izlik

    Yulduz Usmonova

    Yolg`izlik

    Men Xudodan o`tindim bu kech,
    Yulduzlarga yukindim bu kech,
    Yomg`ir bo`lib, to`kildim bu kech –
    Yolg`iz yashab, yig`lama ayol.

    Sovutmagin suzgan oshingni,
    Baxt silasin, illo, boshingni,
    Quvonch artsin ko`zda yoshingni,
    Yolg`iz yashab, yig`lama ayol.

    Go`zalliging o`zi bir dunyo, ayol,
    Hali har guling ochilmagan, ayol,
    O`zing uchun bir bora yasha, ayol,
    Yolg`iz yashab, yig`lama ayol. (x2)

    Bolishingga bahor gul sochsin,
    Eshigingni bir bulbul ochsin,
    Beshigingga Tangri dur sochsin,
    Yolg`iz yashab, yig`lama ayol.

    Go`zalliging o`zi bir dunyo, ayol,
    Hali har guling ochilmagan, ayol,
    O`zing uchun bir bora yasha, ayol,
    Yolg`iz yashab, yig`lama ayol. (x2)