Faxriddin Umarov

Ey sanam

Ey sanam, gul yuzlaring
Posbonimu payvasta qosh? (x2)
Lablaring uzra qizil gul
G`unchasi qo`yganmu bosh?

Ko`zlaring ko`rgach samo,
O`z aksidin mahliyo. (x2)
Navnihol ham qomating
Qarshisida egmasmu bosh?

Maylimu bersam savol:
Qaydin giriftori o`zing? (x2)
Ayt, chiroying baxridan
Bebaxra qay bir bag`ritosh?

Suvparimusan o`zing?
Aslingni Yahyo bilmadi.
Sochlaring har tolasin
Zar birla yuvganmu quyosh?

Sochlaring har tolasin
Zar birla yuvganmu quyosh?

Ey sanam, gul yuzlaring
Posbonimu payvasta qosh?
Lablaring uzra qizil gul
G`unchasi qo`yganmu bosh? {x2}

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.