Iroda Dilroz

Ota uyi

Qiz bolaning qismati shu –
Ko`nib ketar qizgina.
Oy yuzini ro`molida
Yopib sekin, jimgina.

Sog`indingmu ketmay turib
Hali ota uyingni?
To`yib-to`yib hidlab olgin
Hovlingdagi gulingni.

Hay-hay o`lan, jon o`lan-ey,
Dilga yetar shu bugun.
Ko`zlar yosh – ota uyidan
Kelin ketar shu bugun.

Har bir qizga ota uyi,
Ona uyi – poshsho uy.
Qutlug` bo`lsin kelinchakka
Ostonasi tillo uy.

Ota uyning gul-rayhonlari
Nega dilga buncha yoqimli?
Hatto senga ayvonda qo`ngan
Qaldirg`ochi mehrli, mehrli.

Hay-hay o`lan, jon o`lan-ey,
Dilga yetar shu bugun.
Ko`zlar yosh – ota uyidan
Kelin ketar shu bugun.
Har bir qizga ota uyi,
Ona uyi – poshsho uy.
Qutlug` bo`lsin kelinchakka
Ostonasi tillo uy. (x2)

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.