Jahongir Otajonov

Bevafo

O`ylamaysan sen nahot,
Ne kechdi deb dilidan.
Kapalak ham kelib,
Hol so`raydiku gulidan.

Sitamlar etsang hamki,
Umidlar o`lmadi.
Bir tutam cho`g` izlayman
Muhabbatning kulidan.

Qandoq ajratay sendan
Ko`ksimdagi boshimni.
Daryo qilib oqizding
Ko`zimda yoshimni.

Ko`z yoshimga yuvinib,
“Taqdir”, deyman ovuna.
Dilim og`rib teraman
Boshimdagi toshimni.

Bevafo, bevafo, bevafo,
Dardlar mengamas!
Bevafo, bevafo, bevafo,
Men nechun sevaman?

Umr degan to`xtamas
Gumon kelgan dam bilan.
Turmush g`ori yorishar
Mehr degan sham bilan.

Qancha istasang, shuncha
Baxtli bo`l sen, sevgilim.
Baxting nahot but bo`lar
Ko`nglingdagi kam bilan?

O`ylamaysan sen nahot,
Ne kechdi deb dilidan?
Kapalak ham kelib,
Hol so`raydiku gulidan?

Sitamlar etsang hamki,
Umidlar o`lmadi.
Bir tutam cho`g` izlayman,
Muhabbatning kulidan.

Bevafo, bevafo, bevafo,
Dardlar mengamas!
Bevafo, bevafo, bevafo,
Men nechun sevaman?

* * *

Жаҳонгир Отажонов – Бевафо

Ўйламайсан сен наҳот,
Не кечди деб дилидан.
Капалак ҳам келиб,
Ҳол сўрайдику гулидан.

Ситамлар этсанг ҳамки,
Умидлар ўлмади.
Бир тутам чўғ излайман
Муҳаббатнинг кулидан.

Қандоқ ажратай сендан
Кўксимдаги бошимни.
Дарё қилиб оқиздинг
Кўзимда ёшимни.

Кўз ёшимга ювиниб,
“Тақдир”, дейман овуна.
Дилим оғриб тераман
Бошимдаги тошимни.

Бевафо, бевафо, бевафо,
Дардлар менгамас!
Бевафо, бевафо, бевафо,
Мен нечун севаман?

Умр деган тўхтамас
Гумон келган дам билан.
Турмуш ғори ёришар
Меҳр деган шам билан.

Қанча истасанг, шунча
Бахтли бўл сен, севгилим.
Бахтинг наҳот бут бўлар
Кўнглингдаги кам билан?

Ўйламайсан сен наҳот,
Не кечди деб дилидан?
Капалак ҳам келиб,
Ҳол сўрайдику гулидан?

Ситамлар этсанг ҳамки,
Умидлар ўлмади.
Бир тутам чўғ излайман,
Муҳаббатнинг кулидан.

Бевафо, бевафо, бевафо,
Дардлар менгамас!
Бевафо, бевафо, бевафо,
Мен нечун севаман?

Ushbu qo`shiq matni uchun Karimov Davlatyor Komiljon o`g`li (@mrgeograph)ga minnatdorchilik bildiramiz.