Jasurbek Mavlonov

Dunyo ekan

Sevgi ilk bor tushdi-yu qalbga,
Hayotimning bo`ldi mazmuni.
U qo`limga tutqazib qalam,
Ko`zlarimdan oldi uyquni.

Oldi butun fikru xayolim,
Ketdi dildan orom, halovat.
Sevgi butun borimni olib,
She’r zavqini qoldirdi faqat.

Dunyo ekan, ishq degan savdo
Bormi faqat mening boshimda?!
Kimni etmas bu ko`ngil shaydo,
Kim she’r yozmas mening yoshimda?! (x2)

Borliq olam ko`zimga ming-ming
Go`zallikka to`lib ko`rindi.
Gullar menga oshiq bulbulning
She’r daftari bo`lib ko`rindi…

Oldi butun fikru xayolim,
Ketdi dildan orom, halovat.
Sevgi butun borimni olib,
She’r zavqini qoldirdi faqat.

Dunyo ekan, ishq degan savdo
Bormi faqat mening boshimda?!
Kimni etmas bu ko`ngil shaydo,
Kim she’r yozmas mening yoshimda?! (x2)

* * *

Жасурбек Мавлонов – Дунё экан

Севги илк бор тушди-ю қалбга,
Ҳаётимнинг бўлди мазмуни.
У қўлимга тутқазиб қалам,
Кўзларимдан олди уйқуни.

Олди бутун фикру хаёлим,
Кетди дилдан ором, ҳаловат.
Севги бутун боримни олиб,
Шеър завқини қолдирди фақат.

Дунё экан, ишқ деган савдо
Борми фақат менинг бошимда?!
Кимни этмас бу кўнгил шайдо,
Ким шеър ёзмас менинг ёшимда?! (х2)

Борлиқ олам кўзимга минг-минг
Гўзалликка тўлиб кўринди.
Гуллар менга ошиқ булбулнинг
Шеър дафтари бўлиб кўринди…

Олди бутун фикру хаёлим,
Кетди дилдан ором, ҳаловат.
Севги бутун боримни олиб,
Шеър завқини қолдирди фақат.

Дунё экан, ишқ деган савдо
Борми фақат менинг бошимда?!
Кимни этмас бу кўнгил шайдо,
Ким шеър ёзмас менинг ёшимда?! (х2)

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.