Yagzon guruhi

Kechagina

Kechagidek yodimda, chunki kecha yonimda
Birga edi men bilan, ketmas edi yonimdan.
Yolg`iz qoldirmas edi, mensiz turolmas edi,
Chunki kecha u mening yarim bo`lagim edi.

Seni sevaman, derdi, so`zimga ishon, derdi
Va bir kuni ketdiyu, menga armonlar berdi.
O`sha armonlar bilan yashayabman men hanuz,
Nega sevdim men o`zi, nega sevdim, ming afsus?

Nega boshladik barini, bir kun kelib tugatsak?
Nega sevdik bir-birimiz, agar ajralib ketsak?
Nega berding umidlar, nega qildik orzular?
Nahot, shunchaki gap-so`zlarda qolib ketdi ular?

Sevgi agar shu bo`lsa, sevgisiga ming la’nat,
Qani baxtli yakuni, azob berdiku faqat?
Baxtli bo`laman, deya sevgan edimku axir,
Nahot, mening peshonamga baxtni yozmagan taqdir?

Axir kechagina yonimda ediku,
Axir kechagina sevaman derdiku.
Axir kechagina biz birga edikku,
Kechagina axir meniku edi u. (x2)

Mendan sevgini so`rama, sevgini yomon ko`raman,
Sevgidan kuyib kul bo`lgan, o`sha telba bolaman.
Unutishga urinib, go`yo baxtlidek ko`rinib,
Shularga chidab yuribman, bardosh berib yuribman.

Kechagina axir barchasi, boshqacha ediku hammasi,
Bir zumda ayirdi baxtimdan taqdirning bergan zarbasi.
Ayrilish uchun sevganmidim, axir borimni bergan edim,
Sevdimku axir telba bo`lib, nima yetmadi tushunmadim?

Jonga tegdi, hammasidan charchadim,
U haqida so`rayverib barchadan.
Qayerda u hozir, ekan kim bilan,
Axir kechagina edi men bilan.

Jonga tegdi, hammasidan charchadim,
U haqida so`rayverib barchadan.
Qayerda ekan u hozir, kim bilan,
Axir kecha ediku men bilan.

* * *

Ягзон гуруҳи – Кечагина

Кечагидек ёдимда, чунки кеча ёнимда
Бирга эди мен билан, кетмас эди ёнимдан.
Ёлғиз қолдирмас эди, менсиз туролмас эди,
Чунки кеча у менинг ярим бўлагим эди.

Сени севаман, дерди, сўзимга ишон, дерди
Ва бир куни кетдию, менга армонлар берди.
Ўша армонлар билан яшаябман мен ҳануз,
Нега севдим мен ўзи, нега севдим, минг афсус?

Нега бошладик барини, бир кун келиб тугатсак?
Нега севдик бир-биримиз, агар ажралиб кетсак?
Нега бердинг умидлар, нега қилдик орзулар?
Наҳот, шунчаки гап-сўзларда қолиб кетди улар?

Севги агар шу бўлса, севгисига минг лаънат,
Қани бахтли якуни, азоб бердику фақат?
Бахтли бўламан, дея севган эдимку ахир,
Наҳот, менинг пешонамга бахтни ёзмаган тақдир?

Ахир кечагина ёнимда эдику,
Ахир кечагина севаман дердику.
Ахир кечагина биз бирга эдикку,
Кечагина ахир менику эди у. (х2)

Мендан севгини сўрама, севгини ёмон кўраман,
Севгидан куйиб кул бўлган, ўша телба боламан.
Унутишга уриниб, гўё бахтлидек кўриниб,
Шуларга чидаб юрибман, бардош бериб юрибман.

Кечагина ахир барчаси, бошқача эдику ҳаммаси,
Бир зумда айирди бахтимдан тақдирнинг берган зарбаси.
Айрилиш учун севганмидим, ахир боримни берган эдим,
Севдимку ахир телба бўлиб, нима етмади тушунмадим?

Жонга тегди, ҳаммасидан чарчадим,
У ҳақида сўрайвериб барчадан.
Қаерда у ҳозир, экан ким билан,
Ахир кечагина эди мен билан.

Жонга тегди, ҳаммасидан чарчадим,
У ҳақида сўрайвериб барчадан.
Қаерда экан у ҳозир, ким билан,
Ахир кеча эдику мен билан.