Tohir Sodiqov

Sog’inib

Yuragimda hamon yonar cho`g,
Eslasam sening ko`zlaringni.
Topolmayman men o`zimga joy,
Sog`inib mayin ovozingni.

Sog`inaman, lekin yuragim
Charchagandir cheksiz azobdan.
Qani edi unutsam seni,
Isming o`chirib yuragimdan.

Qani unutsam, men eslamasam,
O`sha kunlarni, seni sog`inib.
Men achinmasam o`tgan kunlarga,
Yolg`izligimga asta ko`nikib.

Ishontirib sen so`zlaringga,
Berar eding sevgimga najot.
Baxtli edim sen bilan birga,
Jonim, unutding meni nahot?

Tushuntirmay hatto sababin,
Sen ketding aylanib orzuga.
Mayli o`tsin sensiz kunlarim,
Lekin men bormayman yoningga.

Qani unutsam, men eslamasam,
O`sha kunlarni, seni sog`inib.
Men achinmasam o`tgan kunlarga,
Yolg`izligimga asta ko`nikib. (x2)