Tohir Mahkamov

Nilufarim

Dunyoda eng yomoni — ayriliq.
Lekin hech kimni ko`z ochib ko`rgan yoridan ayirmasin.

Ruhlaring shod bo`lsin, iloyim,
Jannatdan joy bersin Xudoyim,
Tushimga bir kirib qo`ysang, bas
Uchrashtirsin qodir Xudoyim.

Bir kam dunyo kamligicha qolib ketdi,
Yuragimga armonlarin solib ketdi,
Uch farzanding seni kutib tolib ketdi,
Qaytmas bo`lib ketgan mening Nilufarim. (x2)

Orzulari osmonlarga ketgan uchib,
Ulgurmagan o`g`ilchasin bir bor quchib,
Farzandim, deb o`z jonidan qo`ygan kechib,
Qaytmas bo`lib ketgan mening Nilufarim.

Farzandim, deb o`z jonidan qo`ygan kechib,
Qaytmas bo`lib ketgan mening Nilufarim.

Yuragimga tog`lar qulab, qoldi xayol,
Sen bo`lolmas bu dunyoda hech bir ayol,
Esizginam, farishtam-a, ko`rding zavol,
Qaytmas bo`lib ketgan mening Nilufarim. (x2)

Qani endi bir bor ortga qaytsa hayot,
Ne yo`l bilan aylay endi ruhingni shod,
Seni eslab yoring chekar ohu faryod,
Qaytmas bo`lib ketgan mening Nilufarim.

Seni eslab yoring chekar ohu faryod,
Qaytmas bo`lib ketgan mening Nilufarim.