Akbarali Ochilov

Binafshani sog’inib

Binafshani sog`indim-ey,
Ochilmaydi qatlari.
Muncha uzun poyonsizdir
Sovuq qishning hadlari?

Dovdir yellar keltiradi
Qishning achchiq zahrini,
Bahor uzra tinmay hamon
Ayoz to`kar qahrini. (x2)

Bo`zto`rg`aylar osmoniga
Qarg`a-quzg`un joylanmish,
Boychechagim qaylardadir
Zanjir bilan boylanmish.

Binafshaning mushtchalari
Tugilgani tugilgan,
Yelkasida kulrang osmon
Ipdek qaddi bukilgan. (x2)

O`tgan yilning yaproqlari
Bog`lar ichra chirindi,
Mening behad toza bog`im
Bugun mungli ko`rindi.

Xazon aro ko`ksin yog`ir
Maysalar nish urmasmi?
Kechga qolgan turnalarim
Arg`imchog`in qurmasmi?

Binafshani sog`indim-ey,
Ochilmaydi qatlari.
Muncha uzun poyonsizdir
Sovuq qishning hadlari?

Gulga o`rab o`y-xayolni,
Chamanga burgim kelar.
Men sevganim u ayolni
Atlasda ko`rgim kelar.

Men sevganim u ayolni
Atlasda ko`rgim kelar. (x2)

* * *

Акбарали Очилов – Бинафшани соғиниб

Бинафшани соғиндим-ей,
Очилмайди қатлари.
Мунча узун поёнсиздир
Совуқ қишнинг ҳадлари?

Довдир еллар келтиради
Қишнинг аччиқ заҳрини,
Баҳор узра тинмай ҳамон
Аёз тўкар қаҳрини. (х2)

Бўзтўрғайлар осмонига
Қарға-қузғун жойланмиш,
Бойчечагим қайлардадир
Занжир билан бойланмиш.

Бинафшанинг муштчалари
Тугилгани тугилган,
Елкасида кулранг осмон
Ипдек қадди букилган. (х2)

Ўтган йилнинг япроқлари
Боғлар ичра чиринди,
Менинг беҳад тоза боғим
Бугун мунгли кўринди.

Хазон аро кўксин ёғир
Майсалар ниш урмасми?
Кечга қолган турналарим
Арғимчоғин қурмасми?

Бинафшани соғиндим-ей,
Очилмайди қатлари.
Мунча узун поёнсиздир
Совуқ қишнинг ҳадлари?

Гулга ўраб ўй-хаёлни,
Чаманга бургим келар.
Мен севганим у аёлни
Атласда кўргим келар.

Мен севганим у аёлни
Атласда кўргим келар. (х2)

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.