Baxtiyor Rahmonov

Alla (Zirapcha ko’rsatuviga soundtrack)

O`xshamaysan kalondimog` birovlarga,
Tavoze-la turishingni sevaman, bas.
Ro`molingga osilgan hov sinovlarga
Sabr so`rab yurishingni sevaman, bas.

O Mastura, charchamagin zikr aytib,
Sendaylar bir kelar yoki kelmas qaytib.
Ro`mollilar noyob bo`lib ketgan payti
Ro`mol o`rab yurishingni sevaman, bas.

O Muslima, seni qanday ona tuqqan?!
Bilmam, senga bunday iymon kimdan yuqqan?
Hijolatdan nazarimni yerga bukkan,
Yerga qarab yurishingni sevaman, bas.

Ishonsang gar, termulmadim yuzingga hech,
Ko`zim uzoq boqqan emas ko`zingga hech.
Meni oshiq demasinlar o`zingga hech,
Haqni yaxshi ko`rishingni sevaman, bas.

(Desangiz, anglasin Mardum dilimni,
Yot xalq ham tushunsin mening tilimni.
Dunyoviy ilmmi, diniy ilmmi,
“Yaratgan Robbingiz nomi-la o`qing…”

Ko`nglingizda bormi zarracha iymon,
Iymondoshim, sizning g`amingiz yeyman.
Yaratgan Robbingiz so`zi-la deyman:
“Yaratgan Robbingiz nomi-la o`qing…”)

O Mastura, charchamagin zikir aytib,
Sendaylar bir kelar yoki kelmas qaytib.
Ro`mollilar noyob bo`lib ketgan payti
Ro`mol o`rab yurishingni sevaman, bas.

Meni oshiq demasinlar o`zingga hech,
Haqni yaxshi ko`rishingni sevaman, bas.

* * *

Бахтиёр Раҳмонов – Алла (Зирапча кўрсатувига soundtrack)

Ўхшамайсан калондимоғ бировларга,
Тавозе ила туришингни севаман, бас.
Рўмолингга осилган ғов синовларга
Сабр сўраб юришингни севаман, бас.

О Мастура, чарчамагин зикр айтиб,
Сендайлар бир келар ёки келмас қайтиб.
Рўмоллилар ноёб бўлиб кетган пайти
Рўмол ўраб юришингни севаман, бас.

О Муслима, сени қандай она туққан?
Билмам, сенга бундай иймон кимдан юққан?
Ҳижолатдан назаримни ерга буккан,
Ерга қараб юришингни севаман, бас.

Ишонсанг гар, термулмадим юзингга ҳеч,
Кўзим узоқ боққан эмас кўзингга ҳеч.
Мени ошиқ демасинлар ўзингга ҳеч,
Ҳақни яхши кўришингни севаман, бас.

(Десангиз, англасин Мардум дилимни,
Ёт халқ ҳам тушунсин менинг тилимни.
Дунёвий илмми, диний илмми,
Яратган Роббингиз номини ўқинг.

Кўнглингизда борми заррача иймон,
Иймондошим, сизнинг ғамингиз ейман.
Яратган Роббингиз сўзила дейман,
Яратган Роббингиз номила ўқинг. )

О Мастура, чарчамагин зикр айтиб,
Сендайлар бир келар ёки келмас қайтиб.
Рўмоллилар ноёб бўлиб кетган пайти
Рўмол ўраб юришингни севаман, бас.

Мени ошиқ демасинлар ўзингга ҳеч,
Ҳақни яхши кўришингни севаман, бас.

Ushbu qo`shiq matni uchun Бехзод (@Yusupov_Bexzod)ga minnatdorchilik bildiramiz.