Hosila Rahimova

Shamol

Qani shamol xayyo-xut,
Bir borib yorimni tut,
Olib kelgin yonimga,
Chapdan o’tgin, o’ngdan o’t. (x2)

Kirib kelsa jilmayib,
Holini so’ramabman,
Zarda qildi, vaqtida
Ko’ngliga qaramabman. (x2)

Bitta g’alva bo’lishin,
Eh, yuragim sezgandi,
Ertalabdan erinmay
Chap qovog’im uchgandi. (x2)

Qani shamol xayyo-xut,
Bir borib yorimni tut,
Olib kelgin yonimga,
Chapdan o’tgin, o’ngdan o’t. (x2)

Tugamaydi turmushning
Shirin, achchiq g’alvasi,
Uzoqqa ketmagandir
Shaldiroq aravasi. (x2)

Atrimdan sepib beray,
Borib dimog’iga ur,
O’zgararmikan yuzi,
Ko’zlariga qarab tur. (x2)

Qani shamol xayyo-xut,
Bir borib yorimni tut,
Olib kelgin yonimga,
Chapdan o’tgin, o’ngdan o’t. (x4)