Kamoliddin Rahmatov

Yigit yig’lasa

Parvo qilmam qizlar yig`lasa,
Balkim yoshlik tuyg`usidir ul.
Balkim yoshlik tuyg`usi emas,
Erkalikning belgisidir ul.

Lekin ko`nglim berolmas bardosh,
O`ksib agar yigit yig`lasa.
Yigit asli yig`lamas, biroq
Yomon agar yigit yig`lasa.

Bu dunyoning qo`rg`oni obod,
Yigit bilan tirikdir hayot.
Gar bosh egib qolsa o`g`loni,
Paydo bo`lar shu yurtda sayyod.

Hech bir yigit chekmasin faryod,
Yomon agar yigit yig`lasa.
Vatan yig`lar, Vatan yig`lar,
Vatan yig`lar yigit yig`lasa.

Yomon, yomon yigit yig`lasa,
Tog`lar cho`kib kul bo`lgusidir.
Bog`lar xazon, gullar za’faron,
Yurt dushmanga yo`l bo`lgusidir.

Boshda sirtmoq, oyoqda zanjir,
Xalq dushmanga qul bo`lgusidir.
Ey Sadoiy, yigit yig`lasa,
Hayhot, agar yigit yig`lasa.

Vatan yig`lar, Vatan yig`lar,
Vatan yig`lar yigit yig`lasa. (x2)
Vatan yig`lar yigit yig`lasa…