Milena Madmusayeva

Ey dil

Taqdir bergan sinovlarga ko`nib ketdim,
Mayli deya, bariga qo`l siltab ketdim.
O`tkinchi bu azob ekan – anglab yetdim,
Lekin dilning og`rig`iga malham topmadim.

Unut bo`ldi bevafoning va’dalari,
Mehrdan ham ko`proq ekan zardalari.
Armon bo`lsa bo`lar endi orzularim,
Lekin dilning og`rig`iga malham topmadim.

Ey dil, qayg`ulardan asrolmadim,
Ey dil, sog`inchlaring bosolmadim.
Ey dil, ne davoying, og`rimaysan?
Bunchalar ham qiynalmaysan, ey dil? (x2)

Kulib turdim dilim yig`lab qolsa hamki,
Nolalarim osmonlarga yetsa hamki.
Unut bo`lar bari vaqtlar o`tsa balki,
Afsus, dilning og`rig`iga malham topmadim.

Bugun do`stman yetolmagan armonlarga,
Hasratlarim so`zlab berdim osmonlarga.
Boshim olib ketgim kelar uzoqlarga,
Chunki dilim og`rig`iga malham topmadim.

Ey dil, qayg`ulardan asrolmadim,
Ey dil, sog`inchlaring bosolmadim.
Ey dil, ne davoying, og`rimaysan?
Bunchalar ham qiynalmaysan, ey dil? (x2)

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.