Muzaffar Mirzarahimov

Yarim umrim

Muzaffar Mirzarahimov – Yarim umrim

Men tunlarni bedor o’tkazdim,
Achinmayman ularga, mayli.
Men dillarga ozor yetkazdim,
Senga bo’lgan sevgim tufayli.

Muhabbatim asrab, pok tutib,
Sadoqatdan bog’ladim kamar.
Sendan faqat bir so’zni kutib,
Yarim umrim o’tdi besamar.

Yarim umrim, yarim umrim,
Yarim umrim o’tdi tashna, zor.
Yodgorimdan qalbdagi yaram.
Bo’lmas ekan, bo’lmas ekan,
Bo’lmas ekan sevgingda qaror,
Nechun sevaman deding, ey sanam?

Endi seni qo’msab, sog’inib,
Alam bilan axtarmasman ham.
Ko’rmagandek sevgi dog’ini,
Hijroningda dilim chekmas g’am.

Taqdir shu deb sening nasibang,
Menga achchiq sharobin tutar.
Bilolmasman holim qilib tang,
Yana qanday savdolar kutar?

Yarim umrim, yarim umrim,
Yarim umrim o’tdi tashna, zor.
Yodgorimdan qalbdagi yaram.
Bo’lmas ekan, bo’lmas ekan,
Bo’lmas ekan sevgingda qaror,
Nechun sevaman deding, ey sanam?

* * *

Музаффар Мирзараҳимов – Ярим умрим

Мен тунларни бедор ўтказдим,
Ачинмайман уларга, майли.
Мен дилларга озор етказдим,
Сенга бўлган севгим туфайли.

Муҳаббатим асраб, пок тутиб,
Садоқатдан боғладим камар.
Сендан фақат бир сўзни кутиб,
Ярим умрим ўтди бесамар.

Ярим умрим, ярим умрим,
Ярим умрим ўтди ташна, зор.
Ёдгоримдан қалбдаги ярам.
Бўлмас экан, бўлмас экан,
Бўлмас экан севгингда қарор,
Нечун севаман дединг, эй санам?

Энди сени қўмсаб, соғиниб,
Алам билан ахтармасман ҳам.
Кўрмагандек севги доғини,
Ҳижронингда дилим чекмас ғам.

Тақдир шу деб сенинг насибанг,
Менга аччиқ шаробин тутар.
Билолмасман ҳолим қилиб танг,
Яна қандай савдолар кутар?

Ярим умрим, ярим умрим,
Ярим умрим ўтди ташна, зор.
Ёдгоримдан қалбдаги ярам.
Бўлмас экан, бўлмас экан,
Бўлмас экан севгингда қарор,
Нечун севаман дединг, эй санам?

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.