Ozodbek Nazarbekov

Devonaman

Necha yilkim men sening
Ishqingda behad yonaman,
Na firoq dashtidaman,
Na ishq mayingdan qonaman. {x2}

Kelmasang gar ko’zlarim
Yo’lingga zor, hayronaman.
Senki shami shu’ladursan,
Men senga parvonaman. {x2}

Men muhabbat nazmida
Bir shoiri devonaman.
Necha yilkim men sening
Ishqingda behad yonaman.

Na firoq dashtidaman,
Na ishq mayingdan qonaman.
Kelmasang gar ko’zlarim
Yo’lingga zor, hayronaman. {x2}

Tinglayurman jon ila
Jonga malham bir so’zing,
Ko’kragimga tig’ urar
Ul qaro ikki ko’zing. {x2}

Bu vafo dunyosida
Biru borimsan o’zing,
Ey sanam, hajringda afgor,
Bir dili vayronaman. {x2}

Kel go’zal, bir zumga o’ltir,
Ketma yonimdan yiroq.
Yuragim o’t ichra qoldi
Seni bir ko’rgandayoq.

Bu g’arib, o’ksik dilimga
Yoqgil endi sen chiroq,
Qiynama, kel endi mahvash,
Bir g’arib g’amxonaman.

Bir shoiri devonaman…