Qilichbek Madaliyev

O’zbek qizlari

Bu Momo Havodan me’ros bir odat,
Ushlasa, gul ushlar qo`lini faqat. (x2)
O`psa, yomg`ir o`par yuzlarini ham,
O`psa, yomg`ir o`par yuzlarin faqat,
Kuyovga chiqmagan o`zbek qizlarin. {x2}

Jilmaysa nur yog`ar gul yanog`idan,
Sirlarin yashirar qizg`aldog`idan. (x2)
Behuda izlamang hilvat bog`idan, {x2}
Kuyovga chiqmagan o`zbek qizlarin. {x2}

Yuragi bir daryo, mehri ulug`vor,
Dugonasi hayo, sinfdoshi or. (x2)
Ayting, farishtadan nima farqi bor, {x2}
Kuyovga chiqmagan o`zbek qizlarin? {x2}

Sevadi, kutadi, qiladi alam,
Ammo dorga osing – aytmas birovga.
Sevishini aytmay sevganiga ham, {x2}
Tegib ketaverar boshqa birovga! {x2}

* * *

Қиличбек Мадалиев – Ўзбек қизлари

Бу Момо Ҳаводан меърос бир одат,
Ушласа, гул ушлар қўлини фақат. (х2)
Ўпса, ёмғир ўпар юзларини ҳам,
Ўпса, ёмғир ўпар юзларин фақат,
Куёвга чиқмаган ўзбек қизларин. {х2}

Жилмайса нур ёғар гул яноғидан,
Сирларин яширар қизғалдоғидан. (х2)
Беҳуда изламанг ҳилват боғидан, {х2}
Куёвга чиқмаган ўзбек қизларин. {х2}

Юраги бир дарё, меҳри улуғвор,
Дугонаси ҳаё, синфдоши ор. (х2)
Айтинг, фариштадан нима фарқи бор, {х2}
Куёвга чиқмаган ўзбек қизларин? {х2}

Севади, кутади, қилади алам,
Аммо дорга осинг – айтмас бировга.
Севишини айтмай севганига ҳам, {х2}
Тегиб кетаверар бошқа бировга! {х2}