Ravshan Komilov

Muhabbatning birinchisi

Toshga ko`ksim qo`yib yotsam, tosh yonadi,
Daryolarga siring aytsang, to`lg`onadi.
Oqshomda oy guvoh ne-ne oshiqlarga,
Sevgan bo`lsang, sevgisidan kim tonadi?

Oqshomda oy guvoh ne-ne oshiqlarga,
Sevgan bo`lsang, sevgisidan kim tonadi?

Muhabbatning birinchisi yondiradi,
Muhabbatning birinchisi kuydiradi.
Yondiradi, kuydiradi muhabbat,
Muhabbatning birinchisi yondiradi.

O`psa netar, yuvsa ketar, degan bilan,
Taqdir ekan, kuydim, yetar, degan bilan,
Bol totini, bolni totib ko`rgan bilan,
Asal o`rnin bosmas novvot yegan bilan.

Bol totini, bolni totib ko`rgan bilan-ey,
Asal o`rnin bosmas novvot yegan bilan.

Muhabbatning birinchisi yondiradi,
Muhabbatning birinchisi kuydiradi.
Yondiradi, kuydiradi muhabbat,
Muhabbatning birinchisi yondiradi.

Ul yor ketgan allaqachon birov bo`lib,
Balki yoshing o`tgan, soching qirov bo`lib.
Dilda o`sha ishq uchquni bormi, tamom,
Oltmishda ham sevish mumkin olov bo`lib.

Dilda o`sha ishq uchquni bormi, tamom,
Oltmishda ham sevish mumkin olov bo`lib.

Muhabbatning birinchisi yondiradi,
Muhabbatning birinchisi kuydiradi.
Yondiradi, kuydiradi muhabbat,
Muhabbatning birinchisi yondiradi.

Daryosida kechmadim muhabbatning,
Kaftidan bir suv ichmadim muhabbatning.
Eh, bir erkalab, quchmadim muhabbatni,
Muhabbatning birinchisi…