Shoxrux

Ona yuragi

Ota-ona har kuni doim tongdan duo qilishadi,
Oila katta emas, yagona o`g`il xolos.
Baxtli bu oila, hamma havas qiladi,
Bir yil bo`lgandi to`yi bayramiga.

Orzu-niyat bilan yagona o`g`lini uylantirdi,
Mana bir yil o`tdi, kelin tug`ruqxonada.
Bu qanchalar quvonch – nabira keladi axir,
Onaizor va ota hecham sig`masdi o`ziga.

Xabar keldi kechasi: “Muborak bo`lsin,
Egizak – biri o`g`il, biri qiz,
Hayoti baxtli o`tsin”, – deya.
“Ota bo`libsan o`g`lim, qabul qil tabrigim”,
Onaning ko`zida quvonch ko`zyoshlari.

Shunda ota va o`g`il shoshildi tug`ruqxonaga,
Quvonchi o`ziga sig`masdi, shoshilardi.
Onaning yuragi sezdi ular shoshilganini,
Tinmay qo`ng`iroq qildi havotirda ona.

Umrning so`nggi bekati keldimi yoki tasodifmi,
Xursandligidan spidomert 100 avtomobilida.
Yo`l qoidalarini hatlab o`tdi ota va o`g`il,
Oqibati halokat, asar ham qoldami ulardan.

Buyog`iga bayonning hojati yo`q, jon berdi ular,
Ona esa bechora qo`ng`iroq qilaverardi.
Yurak yutib kutdi,
Lekin baxtli oila taqdiri yakun topib bo`lgandi…

Ona bariga chidadi bo`lsa ham og`ir,
Eri va o`g`lining kiyimlari, xonadagi rasmlar, o`sha uy.
Ammo onani yuraging hamma narsani ko`tardi,
Nabiralari va kelinini shundoq tashlab qo`ymadi.
“Qayta turmush quring, hali yoshsiz”, – derdi,
Kelin esa eriga bo`lgan muhabbatini pesh qilaverardi.
Onaning yuragi yana bir bor tig`landi…

Kelin va nabiralariga uy-joy, barini taht qilib berdi,
To`qlikni ko`rmagan kelin qaynonasini hecham eslamadi.
Nabiralarin ko`rgani faqat Ona keldi yo`qlab,
Erin sevardiku, lekin qaynonasin yo`qlab bormadi.

Har kuni bayram, dugonalar, ochilgan shampan vinosi,
Internet, aloqa, tanishuv, rasmlar, hatto WhatsApp!
Yoqtirib qolishdi bir-birin go`yo Layli va Majnunlar,
Taklif uyiga, begona erkak, gullar, romantika.

O`sha kuni esa erining vafotiga bir yil bo`lgandi,
Ona esa avval qabristonga, ziyoratga.
So`ngra harid qildi nabiralarin tug`ilgan kuniga,
Eshik qoqdi…

Kelin mast, maishat, kayfiyat, qani or-nomus?
Axir begona erkak bilan.
Ko`zlariga ishonmasdi Ona bechora,
Nabiralarin oldiga yugura kirdi, qani ular?

“Bugun bayram, ular dugonamda”, –
Deya javob berdi kelin.
Sinib ketdi shu dam Onaizorning yuragi,
Bariga chidagan yurak lek buni ko`tarolmadi…

Ushbu qo`shiq matni uchun Bayram O`serov (bayko)ga minnatdorchilik bildiramiz.