Shoxrux

O’ynaydi

Keldilar noz ila qadam tashlab,
O`t qalab yurakka, dilni g`ashlab.
Ko`rganlar hayratda, yoqa tishlab,
Qoldilar zebo raqsni boshlab.

Olganda oyoqlar, harakatdan tolganda,
Qimir-qimirlashga ishtiyoqim o`lganda.
So`lganda qiziqish, kayfiyat yo`qolganda,
Davrada man paydo janon nazar solganda.

(O`ynaydi) to`xtamay, qo`shiq tanlash yo`q,
(O`ynaydi) yaqinlashsang, qilarlar do`q.
(O`ynaydi) ko`ngilga pari yoqib cho`g`,
(O`ynaydi) kiprigi o`q, o`ynaydi sho`x. (x2)

Taqillar-shaqillar, u kiyib olgan poshna,
Joduli qarashlar aylantirdi boshni.
Bahslashar raqsda men ila, chimirib qoshni,
U yon, bu yonga silkitib sumbul sochni.

Qilib xasta bir pasda, qiyo boqsa asta,
Go`yoki u qasddan, tanaffus qilmasdan.
Davom etar, chertar rosa tortinmasdan,
Sehrladi meni, tabassumidan mastman.

(O`ynaydi) to`xtamay, qo`shiq tanlash yo`q,
(O`ynaydi) yaqinlashsang, qilarlar do`q.
(O`ynaydi) ko`ngilga pari yoqib cho`g`,
(O`ynaydi) kiprigi o`q, o`ynaydi sho`x. (x2+x2)

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.