Ulug'bek Rahmatullaev

Ayriliq kuyi

Muhabbat yo`q ekan, vafo yo`q ekan,
Sho`rlik yuragimga jafo ko`p ekan.
Endi men qo`limga olib sozimni,
Ayriliq kuyini chalib ketaman.

Ichaman taqdirning achchiq sharobin,
Tinglayman qalbimning unsiz fig`onin.
Dard bo`lgan sevgida so`ngsiz nigohim,
Ayriliq kuyini chalib ketaman.

Nega o`rtamizda sarson muhabbat?
Axir bo`lmasmidi qalqon muhabbat?
Nam bosgan ko`zlarda vayron muhabbat,
Ayriliq kuyini chalib ketaman.

Tog`lardan sharshara bo`lganman, ammo
Meni tashlab ketgan irmoqqa daryo.
Manzilim qay ekan, balki yetarman,
Balki qaro yerga singib ketarman.

Ayriliq kuyini chalib ketaman…

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.