Ummon

Tushlarimga kel

Tushlarimga kel, yana qaytadan boshlay,
San bilan o`tgan kunlarimni boshidan boshlay.
Kel, bo`lamiz birga, yana oldingiday,
Agar shunday bo`lsa, mayli uyg`onmay.

Mastona bo`lib yashash tegdi jonga,
Kim berar yordam qo`lini menga?
Ko`z, shabnam to`kma sog`inganda uni,
Tunda xira ko`rinadi kelganda tushlarimga.

Tushlarimga kel, olisdan bo`lsa ham ko`ray,
Sani sog`indim, deb kel, husningga tuyib-tuyib qolay.
O`ngimda esa meni unutgansan bilaman,
Bo`l yonimda bir kun, evaziga jonimni beraman!

O`ngimda bo`lmasa tushlarimda birga bo`l,
Oldimda bo`lmasa ongimda birga bo`l.
Qalban bo`laylik birga, unib kel yana yonimga,
Ko`z oldimda bo`lmasang, ko`z ortimda birga bo`l.

San bilan baxtli edim, yonimda o`tirarding,
Har xil taqinchoqlar yasab, manga ko`rsatarding.
Yoqardi ishlaring, asabga tegishlaring,
Sani hech kimga alishmasdim, alishib ketding.

Tun qorong`u, yolg`izlik,
Shiftga qarab o`ylab yotaman,
Qiynayverar sensizlik.
Sensizlikka qarshi bormikan giyoh?
Yoki sandagi nigoh mani
Hamma savollarimga izoh?

Bedor tunlar sensiz o`tardi,
Mayin savol ko`nglim ezardi.
Sen kimnidir erkalaganda
Maning ko`nglim, afsus, sezardi.

Seni tunlari o`ylab uxlayman,
Tushlarimda kutib yashayman.
Agar bir bor kelsang yonimga,
Bag`rim to`lib, yashnayman.

O`ngimda bo`lmasa tushlarimda birga bo`l,
Oldimda bo`lmasa ongimda birga bo`l.
Qalban bo`laylik birga, unib kel yana yonimga,
Ko`z oldimda bo`lmasang, ko`z ortimda birga bo`l.