Xurshid Rasulov

Otang bo’lsa

G’anim yaqin yo’lolmaydi darvozangga,
Otang bo’lsa agar do’stim, otang bo’lsa.
Jigarlaring ko’nar aytgan murosangga,
Otang bo’lsa agar do’stim, otang bo’lsa.

Otang o’tsa, sanchar ular kamonini,
Yig’lab-yig’lab hidlagaysan choponini.
Uxlaganda o’pib qo`ygin tovonini,
Otang bo’lsa agar do’stim, otang bo’lsa.

Onang xursand o’tlar yoqar o’chog’iga,
Erkalaysan, kirib olib quchog’iga.
Arzimaydi umring bari shu chog’iga,
Otang bo’lsa agar do’stim, otang bo’lsa.

Otasizda o’z-o’ziga ishonch qayda?
Og’ir kunda suyangani suyanch qayda?
Bundayin baxt qayda, bunday quvonch qayda?
Otang bo’lsa agar do’stim, otang bo’lsa.

Yetim qolsang, turfa yo’lda surinasan,
O’zi yo’qni yo’ndiray deb urinasan.
Oltmishda ham o’ttiz yoshday ko’rinasan,
Otang bo’lsa agar do’stim, otang bo’lsa.

Otangdan so’ng umring tuman, tutun bo’lar,
O’ttizga ham kirmay, tanang o’tin bo’lar.
Iliging to’q hamda bag’ring butun bo’lar,
Otang bo’lsa agar do’stim, otang bo’lsa.

Otasi bor bo’lsa, ranggi to’zarmidi?
A’zamning ham ishi unib-o’sarmidi?
Qamchingni bos, birov yo’ling to’sarmidi?
Otang bo’lsa agar do’stim, otang bo’lsa.

Qamchingni bos, birov yo’ling to’sarmidi?
Otang bo’lsa agar do’stim, otang bo’lsa.
Otang bo’lsa agar do’stim, otang bo’lsa,
Otang bo’lsa agar do’stim, otang bo’lsa.

* * *

Хуршид Расулов – Отанг бўлса

Ғаним яқин йўлолмайди дарвозангга,
Отанг бўлса агар дўстим, отанг бўлса.
Жигарларинг кўнар айтган муросангга,
Отанг бўлса агар дўстим, отанг бўлса.

Отанг ўтса, санчар улар камонини,
Йиғлаб-йиғлаб ҳидлагайсан чопонини.
Ухлаганда ўпиб қўйгин товонини,
Отанг бўлса агар дўстим, отанг бўлса.

Онанг хурсанд ўтлар ёқар ўчоғига,
Эркалайсан, кириб олиб қучоғига.
Арзимайди умринг бари шу чоғига,
Отанг бўлса агар дўстим, отанг бўлса.

Отасизда ўз-ўзига ишонч қайда?
Оғир кунда суянгани суянч қайда?
Бундайин бахт қайда, бундай қувонч қайда?
Отанг бўлса агар дўстим, отанг бўлса.

Етим қолсанг, турфа йўлда суринасан,
Ўзи йўқни йўндирай деб уринасан.
Олтмишда ҳам ўттиз ёшдай кўринасан,
Отанг бўлса агар дўстим, отанг бўлса.

Отангдан сўнг умринг туман, тутун бўлар,
Ўттизга ҳам кирмай, тананг ўтин бўлар.
Илигинг тўқ ҳамда бағринг бутун бўлар,
Отанг бўлса агар дўстим, отанг бўлса.

Отаси бор бўлса, рангги тўзармиди?
Аъзамнинг ҳам иши униб-ўсармиди?
Қамчингни бос, биров йўлинг тўсармиди?
Отанг бўлса агар дўстим, отанг бўлса.

Қамчингни бос, биров йўлинг тўсармиди?
Отанг бўлса агар дўстим, отанг бўлса.
Отанг бўлса агар дўстим, отанг бўлса,
Отанг бўлса агар дўстим, отанг бўлса.

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.