Zohida Umarova

Yurt qadri

Darbadar kezmasa kim, yurt qadrin bilmas emish,
Musofir bo`lmaguncha musulmon bo`lmas emish. (x2)
Toma-toma ko`l bo`lur deganlari rost ekan,
To umrbod uqmasa gar, aqli ham to`lmas emish.

Vatan tuprog`iga bosh qo`ymaguncha xasta ham,
Hayotdan umid uzmay – jon taslim qilmas emish.
Sidqi dil zahmat birla baxt tomon ochmasang yo`l,
O`zgalar soyasinda toleying kulmas emish.

Toma-toma ko`l bo`lur deganlari rost ekan,
To umrbod uqmasa gar, aqli ham kirmas emish.

Mushkulni chetlab, cho`chib, osonni ko`zlama hech,
El ishidan qochsa kim obro`yi qolmas emish.
Manmanlar ko`kka sapchib, shunchalik ketar tuban,
To dakki yemaguncha o`ziga kelmas emish.

Imon-e’tiqod ila Vataningni sev, Barot,
Inson zar, dunyo bilan baxtli bo`lolmas emish.

* * *

Зоҳида Умарова – Юрт қадри

Дарбадар кезмаса ким, юрт қадрин билмас эмиш,
Мусофир бўлмагунча мусулмон бўлмас эмиш. (х2)
Тома-тома кўл бўлур деганлари рост экан,
То умрбод уқмаса гар, ақли ҳам тўлмас эмиш.

Ватан тупроғига бош қўймагунча хаста ҳам,
Ҳаётдан умид узмай – жон таслим қилмас эмиш.
Сидқи дил заҳмат бирла бахт томон очмасанг йўл,
Ўзгалар соясинда толейинг кулмас эмиш.

Тома-тома кўл бўлур деганлари рост экан,
То умрбод уқмаса гар, ақли ҳам кирмас эмиш.

Мушкулни четлаб, чўчиб, осонни кўзлама ҳеч,
Эл ишидан қочса ким обрўйи қолмас эмиш.
Манманлар кўкка сапчиб, шунчалик кетар тубан,
То дакки емагунча ўзига келмас эмиш.

Имон-эътиқод ила Ватанингни сев, Барот,
Инсон зар, дунё билан бахтли бўлолмас эмиш.