• Dam bu damdir, o`zga damni dam dema,
    Shukr qil, dunyo g`amini g`am dema. (x2)

    Kuymasa joni-taning ham ustixon,
    Ko`z yoshing oqqan bilan sen nam dema. (x2)

    Odamida zarra ma’no bo`lmasa,
    Sen uni surat ko`rib odam dema. (x2)

    Asli-nasling qatrai obi erur,
    Xasni ko`rsang, sen o`zingdan kam dema. (x2)

    Gar yurakda bo`lmasa yuz dog`i-dard,
    Zinhor, qochgil, uni hamdam dema. (x2)

    Ahmad-o tutgil g`animat har nafas,
    Yorsiz o`tgan bu damni dam dema. (x2)

    Dam bu damdir, o`zga damni dam dema,
    Shukr qil, dunyo g`amini g`am dema. (x2)

    Shukr qil, dunyo g`amini g`am dema, dod-ay,
    Salomat-ey.

    Ushbu qo`shiq matni uchun Shahnoza (@shahnoz_art)ga minnatdorchilik bildiramiz.