Bojalar guruhi

Sendan

Yashardim zor-bedor bo`lib,
Sevardim men baxtga to`lib.
Yashardimku bariga ko`nib,
Yonardimku ming bora so`nib.

So`ramadim toju taxt, boylik,
So`ramadim tunlar bedorlik.
Istardimki so`zga vafoli,
Bo`lishingni sal e’tiborli.

Kelmadiku shu ham qo`lingdan,
Berolmading bir joy ko`nglingdan.
Afzal bo`ldi boylik sevgingdan,
Nafs balosi urdi yo`lingdan.

Sendan umring so`ramadim,
Sendan boylik so`ramadim,
Sendan menga bo`lgan e’tibor,
Vafoli yor bo`lishingni so`radim. (x2)

Begona aqlim o`zimdan,
Kutmasdim ayol qalbidan.
Lekin senda ayol qalbimas,
Qalb o`rniga jonsiz tosh ekan.

So`ramadim Layli mehrini,
So`ramadim dunyo sehrini,
So`ramasdan shodlik zahrini,
Tilardimki chin muhabbatni.

Kelmadiku shu ham qo`lingdan,
Berolmading bir joy ko`nglingdan.
Afzal bo`ldi boylik sevgingdan,
Nafs balosi urdi yo`lingdan.

Sendan umring so`ramadim,
Sendan boylik so`ramadim,
Sendan menga bo`lgan e’tibor,
Vafoli yor bo`lishingni so`radim. (x2+x2)

Vafoli yor bo`lishingni so`radim…

Ushbu qo`shiq matni uchun Bayram O`serov (bayko)ga minnatdorchilik bildiramiz.