Oybek Hamroqulov

Oshiqlik

Oshiq bo`lmangki, oshiqlik g`am keltirur,
Boshga tashvish, diydaga ham nam keltirur,
Alamni mo`l, farog`atni kam keltirur,
Oshiq bo`lmangki, oshiqlik g`am keltirur,
Boshga tashvish, diydaga ham nam keltirur.

Oshiq ulki – dunyo bilan bo`lmas ishi,
Ohu izlar, tovuslarni ilmas xushi,
Uni Olloh tushungaydir, bilmas kishi,
Oshiq bo`lmangki, oshiqlik g`am keltirur,
Boshga tashvish, diydaga ham nam keltirur.

Dardmand o`zi, dard ham o`zi devonadur,
Har joy borsa, mardum ichra so`zonadur,
Ajab yo`kki, shodlik uchun begonadur,
Oshiq bo`lmangki, oshiqlik g`am keltirur,
Boshga tashvish, diydaga ham nam keltirur.

Ey do`stlarim, Boburdan g`am hech ketmadi,
Hamma bildi, bir pariga lek yetmadi,
Dilni shod-u, ko`zni ravshan voh etmadi,
Oshiq bo`lmangki, oshiqlik g`am keltirur,
Boshga tashvish, diydaga ham nam keltirur.

Oshiq bo`lmangki, oshiqlik g`am keltirur,
Boshga tashvish, diydaga ham nam keltirur.

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.