Jahongir Otajonov

Ado bo’lsam (Bir ko’chaning ul boshida)

Bir ko`chaning ul boshida, bul boshida,
Men yorga zor, yorim turar gul yoshida. (x2)
Borolmayman yo gul tomon, yo yo`l tomon,
Netay, jonim omonatdir qil qoshida. (x2)

Aqlu-hushim o`g`irlagan sumbullari,
Ko`ngil qushim xayollari xol-moshida. (x2)
Qaldirg`ochim qoshginamga qayrilmasang,
Yetolmayman qirq yoshimning zil toshida. (x2)

Bir ko`chaning ul boshida, bul boshida,
Men yorga zor, yorim turar gul yoshida.

Uchrashmagan yoshlarimiz uchrashdi-yo,
Ko`zlarimiz bir-birlarin sirdoshida.
Sokin yoshim shaydoladi sultonim-a,
Ne borligin bilmas ekan gulyoshida.

Kuyib kuylab, ado bo`lsam, yor bilmasin,
Xabar topsin Mug`anniyning el oshida. (x2)
Qaldirg`ochim qoshginamga qayrilmasang,
Yetolmayman qirq yoshimning zil toshida. (x2)

Bir ko`chaning ul boshida, bul boshida,
Men yorga zor, yorim turar gul yoshida. (x2)

Men yorga zor, yorim turar gul yoshida…

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.