Sherali Jo'rayev

Yodingdami yoshligimiz

Yodingdami yoshligimiz,
Beqaror, beboshligimiz? (x2)
To’ymay bu keng olamga,
Baxtiyor, shodligimiz. (x2)

Qo’l teksa, titrab qo’ling,
Balog’at to’sgach yo’ling, (x2)
Aylanmay so’zga tiling,
Qayrilma qoshligimiz. (x2)

Ilk bora yorni quchib,
Lablardan labbol ichib, (x2)
Bu olamdan voz kechib,
Bo’salar taloshligimiz.

Daryodek yillar o’tar,
Yosh ketib, pirlik yetar,
Lek ba’zan qo’msab ketar
Beqaror yoshligimiz.

Lek ba’zan qo’msab ketar
Beqaror yoshligimiz.

Bahor bu yozdan nishon,
Yoz kelsa – kuzdan nishon, (x2)
O’g’il-qizda qaytar, ishon,
Baxtiyor yoshligimiz. (x2)

Yodingdami yoshligimiz,
Beqaror, beboshligimiz? (x2)
To’ymay bu keng olamga,
Baxtiyor, shodligimiz. (x2)

Yoshligimiz… Beboshligimiz…