Gulsanam Mamazoitova

Tun

Tun menga berar azob,
Sen quyoshim, botmagin.
Shu azobda uxlasam,
Yolvoray, uyg`otmagin.

Hamma meni sotganda,
Sen ham meni sotmagin.
Tun menga berar azob,
Sen quyoshim, botmagin.

Gulga qo`lim uzatsam,
Tikanlari sanchildi.
Yarim ko`nglim yolg`ondan
Ado bo`ldi, yanchildi.

Zulmatga qo`yma meni,
Ularday sen ham endi.
Tun menga berar azob,
Sen quyoshim, botmagin.

Yolg`izdirman dunyoda,
Mening sirdoshim yo`qdir.
Yorning har yolg`oniga
Chidar bardoshim yo`qdir.

Endi mening ko`ksimda
Yonar quyoshim yo`qdir.

Tun menga berar azob,
Sen quyoshim, botmagin.
Shu azobda uxlasam,
Yolvoray, uyg`otmagin.

Qaro tunlar qahrini
Kim ham bilar mendayin?
Yolg`on vafo zahrini
Kim ham bilar mendayin?

Sening hech botmasliging
Kim ham tilar mendayin?
Tun menga berar azob,
Sen quyoshim, botmagin.

Ushbu qo’shiq matni uchun Bayram O’serovga minnatdorchilik bildiramiz.