Abzal Husanov

Bog’lanib qoldim

Yor yo`lingni oshiq to`sgan dam,
Xayollarim ayro kezgan dam, (x2)
Yuragimni bosganida g`am,
O`z dardimga dog`lanib qoldim,
Yana sanga bog`lanib qoldim.

To`lib oqar hamon o`sha soy,
Tunlar bizni kutar ma’yus oy, (x2)
Kelarsan deb izlab xoynahoy,

Suv bo`yiga chog`lanib qoldim,
Yana sanga bog`lanib qoldim. (x2)

Sog`inch yoqar vujudim-tanam,
Kuygan dilga boqmagan sanam. (x2)
He-ey, orzuyingda bormanmi man ham?
Shamollarga zorlanib qoldim,
Yana sanga bog`lanib qoldim.

Ko`zlaringga ko`zim tushgan dam,
G`urur tog`in ishq qulatgan dam, (x2)
Dil mehri yo ishq sehri ekan,

Xasta edim, sog`lanib qoldim,
Yana sanga bog`lanib qoldim. (x2)

Yor yo`lingni oshiq to`sgan dam,
Xayollarim ayro kezgan dam,
Yuragimni bosganida g`am,
O`z dardimga dog`lanib qoldim,
Yana sanga bog`lanib qoldim.

Xasta edim, sog`lanib qoldim,
Ey, yana sanga bog`lanib qoldim.