Asilbek Negmatov

Zolima

Xayol seni eslasa gar,
Bazmlarda kulolmadim,
Sho’x sozli bu navolarga
Ko’ngil yozib o’ynolmadim.

O’zga yorning quchog’ida
To’yib-to’yib uxlolmadim,
Ul yor sezmasmikin deya,
Bo’zlab-bo’zlab yig’lolmadim.

Ming bir yorlar qarashlarin
Senga o’xshatolmadim,
Ul yorlarning so’zlaridan
Ma’nolarni topolmadim.

Voy yondirding jonima,
Aldamchiyey, zolima. (x2)
Dushmanim ham boshim silar,
Ko’rib mani holima. (x2)

Gulim, taqdir iplariyey
O’zga gulga boylonadi,
Shu onlarda bahorima
Kuzlargayey aylonadi.

Yorim endi o’zga bilan
Tonglarda uyg’onadi,
Nechun dunyo mendan shu on
Havolarni qizg’onadi?

Barisiga chidab yurak,
Bir zarbaga chidolmadi,
U o’zganing quchog’ida,
Tunlarda to’lg’onadi.

Voy yondirding jonima,
Aldamchiyey, zolima. (x2)
Dushmanim ham boshim silar,
Ko’rib mani holima. (x2)