Shahzod Murodov

Onam xirom etganda

Tanovor yangrab, jo’shib, hammani rom etganda,
Go’zalroq bo’lar qo’shiq, onam xirom etganda. {x2}

Ko’zlari porlab-porlab, hammani bir-bir chorlar, {x2}
Birga kuylab, takrorlar, onam xirom etganda,
Onam xirom etganda.

Yuzlari yonib-yonib, ich-ichidan quvonib, {x2}
Dildan, yurakdan qonib, onam xirom etganda,
Onam xirom etganda.

Har yon ma’noli qarab, bugun bir quvnab, yayrab,
Ro’mollari hilpirab, onam xirom etganda,
Onam xirom etganda.

Bu nozik tamannolar, dil aytar tasannolar, {x2}
Chetda qolar barnolar, onam xirom etganda,
Onam xirom etganda.

Kuy-ohangga munosib, qadamin asta bosib,
Ko’nglini yozib-yozib, onam xirom etganda,
Onam xirom etganda.

Tanovor yangrab, jo’shib, hammani rom etganda,
Go’zalroq bo’lar qo’shiq, onam xirom etganda. {x2}

Onam xirom etganda, onam xirom etganda.