Bisotimni bog`da bir halol
Kapalakka almashaman men.
Hayotimni ko`kdagi zilol
Kamalakka almashaman men. (x2)
Yog`dularga ko`milgan shahar,
Devorlari yelkamni chaqar. (x2)
Uyim qasr bo`lsa ham agar,
Guvalakka almashaman men. (x2)
Xushomadni suymaydi jinim,
Menga havas qilmagin, inim. (x2)
Shuhratimni totli bir tilim
Handalakka almashaman men.
Qo`shiqlarim bo`lib ovoza,
Elda mashhur emishman toza.
Kuylab topgan baxtim bir kosa
Sumalakka almashaman men. (x2)
Ushbu qo`shiq matni uchun Shahnoza (@shahnoz_art)ga minnatdorchilik bildiramiz.
Qo'shiq haqida ma'lumot
- Klipmeyker:
- Albom:
- Yubordi:
- Sana:
- March 12, 2019
