Yahyobek Mo'minov

Zuhrajon

Gulbog`ingda toza gullar ochilmish,
Kel Zuhrajon, bog` saylina boraylik.
Bulbullar mast bo`lmish, shabnam sochilmish,
Kel Zuhrajon, bog` saylina boraylik.

Bulbullar mast bo`lmish, shabnam sochilmish,
Kel Zuhrajon, bog` saylina boraylik.

Siring ma’lum etsang yaxshi-yomona,
Shovqin tushar o`n sakkiz ming jahona. (x2)
Raqib bilsa, bizni qo`ymas davrona,
Kel Zuhrajon, bog` saylina boraylik. (x2)

Alifdek qomating o`xshatma dola,
Qurbon o`lam sarvi qaddi nihona.
Jonim fido bo`lsin oq yuzda xola,
Kel Zuhrajon, bog` saylina boraylik.

Jonim fido bo`lsin oq yuzda xola,
Yur Zuhrajon, bog` saylina boraylik.

Bulbul sayron etar gulda chamanda,
Ayroliq vahmindan ko`nglim fig`onda.
Toir aytar – armon qolmasin jonda,
Yur Zuhrajon, bog` saylina boraylik.

Toir aytar – armon qolmasin jonda,
Kel Zuhrajon, bog` saylina boraylik.
Yur Zuhrajon, bog` saylina boraylik.

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.