• O’tayotib, bag’rim kuyib,
    Derazangga bo’ylayman.
    Majnuntolni quchib, unga
    Dardlarimni so’ylayman.

    Novdalarni emas, zora
    Sochlaringni o’ynasam,
    Rahmim kelar, uyda yolg’iz
    Yotganingni o’ylasam.

    Arazlama, jonim, arazlama,
    Arazlama, jonim, arazlama! (x2)

    Balki, jonim, gul kerakdir,
    Olaqolgin gulimni,
    Balki, jonim, dil kerakdir,
    Olaqolgin dilimni.

    Atirgulni hidlagayman
    To’zitmasdan, uzmasdan,
    Go’yo seni o’pganimdek,
    Oromingni buzmasdan.

    Arazlama, jonim, arazlama,
    Arazlama, jonim, arazlama! (x3)