Yulduz Usmonova

Rozimikan

Yolg`on aytma, yer ko`tarmaydi,
Yer ko`tarsa, el ko`tarmaydi.
Qo`li egri, dili egrilar
Barmog`ida baxt tutolmaydi.

Jisming ko`rki – ko`zingga quvonch,
Isming ko`rki – so`zingga quvonch,
Sen ortingga qarab-qarab tur,
To`kilganmi izingga quvonch?

Rozimikan, rozimikan,
Yeru-osmon bizdan rozimikan?
Rozimikan, rozimikan,
Yeru-osmon bizdan rozimikan?

Ushalmagan orzuying – armon,
Ushalgani besh kunlik mehmon.
So`radingmi o`zingdan sira:
Rozimikan sendan yer-osmon?

Jon ichida ko`ngil bormi, ayt?
Ko`ngil ne der jon og`rigan payt?
Manzilingga yetolmay qaytsang,
Mahmud, faqat iymoningga qayt.

Rozimikan, rozimikan,
Yeru-osmon bizdan rozimikan?
Rozimikan, rozimikan,
Yeru-osmon bizdan rozimikan? (x2)

Yeru-osmon bizdan rozimikan? {x2}

* * *

Юлдуз Усмонова – Розимикан

Ёлғон айтма, ер кўтармайди,
Ер кўтарса, эл кўтармайди.
Қўли эгри, дили эгрилар
Бармоғида бахт тутолмайди.

Жисминг кўрки – кўзингга қувонч,
Исминг кўрки – сўзингга қувонч,
Сен ортингга қараб-қараб тур,
Тўкилганми изингга қувонч?

Розимикан, розимикан,
Еру-осмон биздан розимикан?
Розимикан, розимикан,
Еру-осмон биздан розимикан?

Ушалмаган орзуйинг – армон,
Ушалгани беш кунлик меҳмон.
Сўрадингми ўзингдан сира:
Розимикан сендан ер-осмон?

Жон ичида кўнгил борми, айт?
Кўнгил не дер жон оғриган пайт?
Манзилингга етолмай қайтсанг,
Маҳмуд, фақат иймонингга қайт.

Розимикан, розимикан,
Еру-осмон биздан розимикан?
Розимикан, розимикан,
Еру-осмон биздан розимикан? (х2)

Еру-осмон биздан розимикан? {х2}